Steve Jobs突下台

對於某些人來說, Steve Jobs可能是他們生命中最重要, 最偉大的人物!

感覺就像比起皇室婚禮, 全球經濟衰退等大事更多人關注, 成為世界各地多份報章的頭條的蘋果集團主席STEVE JOBS突然下台消息一出, 全球轟動! 有些人甚至哭起來!

蘋果近年靠著iPhone, iPod及iPad等產品躍升為業界龍頭. 每年STEVE JOBS有新產品簡介會都會親自上台講解, 全球粉絲們都好像朝拜一樣聽他講解. 基本上, 大部份人都視STEVE JOBS為APPLE, APPLE就是STEVE JOBS. 他們是一體的. 其實這種關係有好有壞. 好的是品牌形象鮮明, 見人如見品牌, 想起STEVE JOBS就想起蘋果, 品牌形象 (BRAND IMAGE)深入民心. 壞處就好像現在情況一樣, 股價狂跌. 由於關係太密切, STEVE JOBS做什麼都影響到蘋果. 例如STEVE JOBS生BB, 相信股價都會上升! 現在STEVE JOBS要'離開', 感覺APPLE沒有了, 故引起很多不安情緒. APPLE追隨者有可能會覺得APPLE不再是APPLE, 甚至停止生產.

但事實是否如此?

我個人認為APPLE會繼續暢銷, 繼續佔領行內龍頭地位. 原因大家對APPLE已有一定的品牌定位, 雖然STEVE JOBS辭職, 但你會停用iPhone嗎? 會減低iPad的功能嗎? 支援會降低? 我不認為. 雖然APPLE不再是STEVE JOBS年代的APPLE, 但我相信只要APPLE做好過度期, 之後業績還是可以維持的. 畢竟人總有離開的一日.

其實, 我認為STEVE JOBS是早有準備並計劃'捱'到今日才辭職的. 讓世界看到iPhone 4的功能, 愛不釋手後才交捧. 那麼如果我們是其他I.T.品牌應該有什麼策略呢?

如果我是大品牌如MICROSOFT, 我會立刻投放廣告, 推廣介面的功能性, 強調往後能不斷更新及加強. 而電話上的競爭對手, 大可趁火打劫, 減低買機或上台價, 吸引買家.

老實說, 現今要打低APPLE, 依我所見, 真的很難. 用過APPLE產品的人其實都很喜歡APPLE產品的功能和介面, 很少轉去其他的. (BRAND LOYALTY)

所以APPLE粉絲們, 不用怕, APPLE還會是APPLE!

打鐵趁熱

相信很多朋友都留意到最近英國小報竊聽案這場風暴, 但不是每份雜誌報章都以此為頭條和封面. 當然, 每份報刊的總編輯都有其理由相信並認為某某事項為大, 哪一件事比較應該上封面.

個人而言, 這次事件跟國際傳媒大亨 - 梅鐸有直接關係, 故事態實在是非常嚴重! 會留意世界大事的人都定必會關心吧! 像今期'Bloomberg BusinessWeek', 相信亦有很多人買啦!

正所謂'打鐵趁熱', 做生意講求時機. Marketing同做廣告都係, 時機好緊要, 食住條水係成功既一半. 尤其係做Print media, 如果連大勢都跟唔上, 點賣書呀? 個人而言, 買書及雜誌有兩個主要因素影響我既購買決定 (Purchasing decision):

1) 內容 (大題)

2) 封面吸引度

大家睇下上面BusinessWeek個封面, 用色簡單但帶出到個信息, 抵佢咁好賣!

關唔關廣告事?

呢本書其實出左好耐, 又唔算好耐, 舊年年中出既. 係書局見到, 望兩望內頁, 就買了. 返到屋企開始讀, 只係用左3日就睇晒! 唔係因為唔好睇或者悶或者講緊廢話, 而係實在好好睇, 放不下本書!

書內兩位作者 - 羅韶文(Connie Lo) 梁芷茵(Lilian Leong)以簡單的文字, 幽默的寫法加上她們本身的經驗和奇特的見解寫出她們對廣告界, 業內人士和廣告創作本身的看法和理念!

無論你是行內或行外人, MARKETING或非MARKETING人都值得買本睇睇! 小弟獲益良多!

TVB最受歡迎電視廣告大獎

一年一度的TVB最受歡迎電視廣告大獎又開始接受投票了! 廣告和MARKETING是一不離二, 不可分割的. 說到底有MARKET就要廣告推行, 無MARKET就試下用廣告開發市場. 所以有些公司是將MARKETING及廣告部處於同一部門的. 因為他們做的工作某程度可說是同出一轍. 就好似品牌設計/策劃/管理, 現在多了很多這一類人和公司 (好明顯我也是其中一人!). 可以說是因為見到Tommy Li 李永銓先生的成功, 成為香港有名的「品牌醫生」, 所以想入行建一番作為!

香港人其實好多都好叻, 無論在港畢業或回流, 讀書可以好多, 好好成績畢業, 熟唸4Ps, 所有定義, 行規等等. 可惜的是創意欠奉. 小弟主張'marketing = creativity', 不是說小弟好叻, 有什麼特別製作出過街, 只是從觀察得來跟大家分享一下. Tommy Li 李永銓先生也是主張創意為先, 他本身是位設計師, 他亦說要入品牌行業, 設計師是比較優勝的, 應該是跟創意有關吧.

說了那麼多, 看看反映MARKETING創意和努力的廣告, 猜猜誰會跑出!

飲食餐宴類: 益力多 - 生仔篇

潮流服務及美容: Nike - Write The Future Rooney (贏梗! 大家上網查查就知點解!)

財富投資: 東亞銀行 - 同根 . 共創之故事篇 (各具特色, 不過東亞這廣告我特別喜歡它的本地情懷!)

樓宇地產: 中原地產 - 緣份篇 (地產廣告向來都誇張, 終於有一個較現實的!)

家品生活: 宜家傢居 - 唔駛講價篇

消閒, 時尚及品味 - 海洋公園全城十月哈囉喂 . 十周年 (其實我鍾意 Canon EOS 550D個個多D)

電訊, 運輸及公共設施 - smartone vodafone 愛上不一樣 (創意盡顯! 另外要讚讚港鐵另一廣告 '唔好意思' 近年港鐵形象非常差, 出個廣告頂頂好D)

綜合類別 - 香港癌症基金會 - 解扣篇 (男女都會被吸引睇!)

最受歡迎男主角 - 百佳幫你日日謙 - 黎耀祥

最受歡迎女主角 - 海洋公園全城十月哈囉喂 . 十周年 - 羅蘭 (好似個個都唔特別咁)

最受歡迎電視廣告歌曲 - 陽光檸檬茶 - 初戀 (個個都識唱)

資訊廣告 - 九巴乘客之道 - 與你同心同路 (這類別最難揀, 個個都咁好!)

系列廣告 - Canon PIXMA MX876 Smart Office

榮譽大獎 -

海洋公園全城十月哈囉喂 . 十周年 (個陣真係成為全城熱話, 盡收效益!)

你今日投左未?

雀巢檸檬茶「呢啲+茶」廣告

唔知大家最近有無留意雀巢檸檬茶既新廣告, 夏天整個大革新, 新包裝同專賣唔同口味既茶, 相信會對飲品市場帶來一番唔錯既衝擊! 利用相近現代潮流ICON - LADY GAGA的名字'呢啲+茶'來帶出唔同既生果味加茶, 非常入腦, 有晒GIMMICK又夠突出, 要讚! 除左電視廣告, 仲係今期'東TOUCH'買埋封面位, 用埋超搶眼銀色封面 (我都比佢吸引到買埋本野!), 實行落重本, 谷呢啲+茶!
再睇睇個封面女主角, 衣服配搭極之搶眼, 生果頸鍊加代表品牌既雀巢裙, 配襯得非常好, 入晒題, 夠活力!

呢個雀巢檸檬茶「呢啲+茶」廣告, 攞晒分, 相信會引來唔少人買!

受眾要知廣告賣乜!

上回說到Tempo紙巾的廣告玩gimmick, 但難以與主體(即推銷產品或服務)串聯起來. 那麼玩gimmick得來又與售賣產品拉得上關係的又有什麼廣告呢? 最近我留意到一個:

很可愛又生動的廣告是吧? 用了'有7個願望'的gimmick, 附合了年輕的7仔品牌形象 (BRAND IMAGE). 買野食又得, 叮野食又得, 飲思樂冰, 買日常用品, 總之要乜有乜, 帶出了7仔乜野都有的主體服務, 總之入得去, 就搵到你要搵既野, 甚至型男 (當然係Gimmick啦)!

除此之外, 要抵讚既係搵來香港著名漫畫家 - Stella So繪畫廣告, 硬銷7仔. 其實7仔, OK這類型便利店不需要怎樣賣廣告, 因為佢地唔賣都唔會無人去. 只要係顧客心目中留下定位, 令顧客有'BRAND LOYALTY'就可以啦. 所以賣廣告唔洗多, 一年一兩次就夠. 有特色, 令人記得起, 當然係好事! 例如7仔的'梗有一間係左近', 我地成日都會講, 到今次既'要乜有乜, SO得', 夠晒押韻又朗朗上口, 抵讚! 就算7仔的價格比其他便利店高, 佢地既BRAND LOYALTY一樣唔會減低. 至於OK, 早前搵來森美代言, 不過不失, 今次7仔先贏一仗!