TVB最受歡迎電視廣告大獎

一年一度的TVB最受歡迎電視廣告大獎又開始接受投票了! 廣告和MARKETING是一不離二, 不可分割的. 說到底有MARKET就要廣告推行, 無MARKET就試下用廣告開發市場. 所以有些公司是將MARKETING及廣告部處於同一部門的. 因為他們做的工作某程度可說是同出一轍. 就好似品牌設計/策劃/管理, 現在多了很多這一類人和公司 (好明顯我也是其中一人!). 可以說是因為見到Tommy Li 李永銓先生的成功, 成為香港有名的「品牌醫生」, 所以想入行建一番作為!

香港人其實好多都好叻, 無論在港畢業或回流, 讀書可以好多, 好好成績畢業, 熟唸4Ps, 所有定義, 行規等等. 可惜的是創意欠奉. 小弟主張'marketing = creativity', 不是說小弟好叻, 有什麼特別製作出過街, 只是從觀察得來跟大家分享一下. Tommy Li 李永銓先生也是主張創意為先, 他本身是位設計師, 他亦說要入品牌行業, 設計師是比較優勝的, 應該是跟創意有關吧.

說了那麼多, 看看反映MARKETING創意和努力的廣告, 猜猜誰會跑出!

飲食餐宴類: 益力多 - 生仔篇

潮流服務及美容: Nike - Write The Future Rooney (贏梗! 大家上網查查就知點解!)

財富投資: 東亞銀行 - 同根 . 共創之故事篇 (各具特色, 不過東亞這廣告我特別喜歡它的本地情懷!)

樓宇地產: 中原地產 - 緣份篇 (地產廣告向來都誇張, 終於有一個較現實的!)

家品生活: 宜家傢居 - 唔駛講價篇

消閒, 時尚及品味 - 海洋公園全城十月哈囉喂 . 十周年 (其實我鍾意 Canon EOS 550D個個多D)

電訊, 運輸及公共設施 - smartone vodafone 愛上不一樣 (創意盡顯! 另外要讚讚港鐵另一廣告 '唔好意思' 近年港鐵形象非常差, 出個廣告頂頂好D)

綜合類別 - 香港癌症基金會 - 解扣篇 (男女都會被吸引睇!)

最受歡迎男主角 - 百佳幫你日日謙 - 黎耀祥

最受歡迎女主角 - 海洋公園全城十月哈囉喂 . 十周年 - 羅蘭 (好似個個都唔特別咁)

最受歡迎電視廣告歌曲 - 陽光檸檬茶 - 初戀 (個個都識唱)

資訊廣告 - 九巴乘客之道 - 與你同心同路 (這類別最難揀, 個個都咁好!)

系列廣告 - Canon PIXMA MX876 Smart Office

榮譽大獎 -

海洋公園全城十月哈囉喂 . 十周年 (個陣真係成為全城熱話, 盡收效益!)

你今日投左未?

香港可以做網上典當生意嗎?

最近留意到美國有一間新開的公司, 可以說是一門新的生意 - 網上典當公司.


這個名為https://pawngo.com/的網站設計像一般密集式賣廣告的網頁. 下面有幾間國際知名大公司的LOGOS. 當然是用來加強公司的CREDITBILITY, 新公司尤其有用! 我好奇的按了幾按, 發覺其使用幾簡單, 幾USER-FRIENDLY, 再看多兩眼, PAWNGO.COM 標榜的就是簡單!

他們的使用方法如下:
1) 話比我PAWNGO.COM知你想當既係咩
2) 用即時資料定立貨品市值
3) 用電郵話你聽個出價
4) FedEx會去你到收件 (費用全免!!)
5) 立即過數比你!

PAWNGO.COM一出場已經極受歡迎! 有分析指最主要原因為方便同埋免除親自去當舖既尷尬. 連生性較開放的西方人都認為尷尬, 證明網上一站式典當服務 (ONE STOP SHOP) 有其市場!加上連同FedEx合作, 客戶感覺既穩陣又安全!

其實PAWNGO.COM是由現在已經大行其道的團購網 - Groupon的創辦人在美國投資的網上生意. (國內人士可打以下字樣: Groupon创始人投资美国在线典当行) 他的生意頭腦真的不容置疑, 現在要賺錢, 不是勞動, 少許智慧, 多多創意!

係香港做得過嗎?
眾所周知, 香港人見流行什麼就會抄什麼, 或者加以改革, 今次美國線上典當生意, 我建議香港人勿胡亂跟風! 事關早排小弟跟一名現職當舖會計的朋友閒聊, 其實香港周圍都係當舖, 雖然典當人士愈來愈後生, 但始終太方便, 不需要用到上網進行! 加上某些物件價格較低, 要上網處理又要速遞上門收件未免太費時太周章, 成本又增加, 相信香港不能做!

雀巢檸檬茶「呢啲+茶」廣告

唔知大家最近有無留意雀巢檸檬茶既新廣告, 夏天整個大革新, 新包裝同專賣唔同口味既茶, 相信會對飲品市場帶來一番唔錯既衝擊! 利用相近現代潮流ICON - LADY GAGA的名字'呢啲+茶'來帶出唔同既生果味加茶, 非常入腦, 有晒GIMMICK又夠突出, 要讚! 除左電視廣告, 仲係今期'東TOUCH'買埋封面位, 用埋超搶眼銀色封面 (我都比佢吸引到買埋本野!), 實行落重本, 谷呢啲+茶!
再睇睇個封面女主角, 衣服配搭極之搶眼, 生果頸鍊加代表品牌既雀巢裙, 配襯得非常好, 入晒題, 夠活力!

呢個雀巢檸檬茶「呢啲+茶」廣告, 攞晒分, 相信會引來唔少人買!

受眾要知廣告賣乜!

上回說到Tempo紙巾的廣告玩gimmick, 但難以與主體(即推銷產品或服務)串聯起來. 那麼玩gimmick得來又與售賣產品拉得上關係的又有什麼廣告呢? 最近我留意到一個:

很可愛又生動的廣告是吧? 用了'有7個願望'的gimmick, 附合了年輕的7仔品牌形象 (BRAND IMAGE). 買野食又得, 叮野食又得, 飲思樂冰, 買日常用品, 總之要乜有乜, 帶出了7仔乜野都有的主體服務, 總之入得去, 就搵到你要搵既野, 甚至型男 (當然係Gimmick啦)!

除此之外, 要抵讚既係搵來香港著名漫畫家 - Stella So繪畫廣告, 硬銷7仔. 其實7仔, OK這類型便利店不需要怎樣賣廣告, 因為佢地唔賣都唔會無人去. 只要係顧客心目中留下定位, 令顧客有'BRAND LOYALTY'就可以啦. 所以賣廣告唔洗多, 一年一兩次就夠. 有特色, 令人記得起, 當然係好事! 例如7仔的'梗有一間係左近', 我地成日都會講, 到今次既'要乜有乜, SO得', 夠晒押韻又朗朗上口, 抵讚! 就算7仔的價格比其他便利店高, 佢地既BRAND LOYALTY一樣唔會減低. 至於OK, 早前搵來森美代言, 不過不失, 今次7仔先贏一仗!

Tempo 盒裝紙巾廣告

相信大部份香港人都會看過這個'Tempo盒裝紙巾廣告', 更勇奪去年'十大最佳電視廣告大獎'

我知道, 大家都明白, 構思廣告, 做廣告, 賣廣告, 其實目的只有一個, 就係賣產品. 我無深入了解Tempo係廣告推出後賣多了幾多盒紙巾, 但就我普遍觀察, 買盒裝紙巾, 大部份人寧願買維達, 潔柔或VIRJOY. Tempo細包裝紙巾始終較深入民心.

這個廣告在很多方面都做到了其想達到的目標, made noise, created buzz, 人人談論廣告內很樣衰的女主角, 差不多一買紙巾便會想起她的美貌!

可惜, 我都唔知個廣告賣乜.

我身邊都有很多人談論這個廣告. 說它如何生動, 很搞笑. 搞笑還可以, 玩到Gimmick, 有創意, 但廣告中心在哪? 與產品連結在哪? 目標受眾是誰? 我家母親大人看完說,'都唔知佢講乜!' 我弟弟看完笑了一笑, 覺得好笑, 但都不知道是賣紙巾. 有一朋友看完輕鬆說了句,'無聊'.

我很標榜'Marketing = Creativity', 但一定要與主體產品相關. 十大最佳電視廣告大獎? 唔 ......

乘勝追擊的Aquarius運動飲料

相信大部份香港人都有留意到台灣運動飲料含有有害健康的添加劑, 搞到人心惶惶, 還導致很多食品飲料都要檢驗. 本應盡量避免飲用或見到都會有戒心之時, 不知道是故意還是剛巧, 新品牌'Aquarius (水動樂)'就在此時上場! 還大力標榜'日本NO. 1'和在暢銷年輕人雜誌'Milk'上大賣廣告! 懂得'借題發揮', 借勢吸引更多人談論, 我都買了一樽試試, 你呢?

對我而言, Marketing = Creativity